Manila, Philippines – Anim na sinasabing delinquent companies ang kinasuhan ng Bureau of Internal Revenue sa Dept. of Justice.
Kabilang sa mga kinasuhan ang Enviroking Corporation dahil sa hindi pagbabayad ng 643-million pesos na buwis sa taong 2009.
Umaabot naman sa 8.2 million pesos ang hindi nabayarang buwis ng Enzio Ferrera Corp. sa taong 2011.
Base sa record ng BIR, 8.6-million pesos naman ang tax liability ng Filippi Nouvelle.
Kinasuhan din ng tax evasion ng BIR ang Ira General na may tax liability na 44-million pesos.
Ang Lifeware Corporation naman na may 11.2-million na hindi nababayarang buwis ay kinasuhan din sa DOJ, gayundin ang VTM QuilTS na may 25-million tax liability.
Ayon sa BIR, matagal na nilang inabisuhan ang naturang mga kumpanya na magbayad ng kanilang buwis subalit hindi tumugon ang mga ito.
