Malaybalay City, Bukidnon – Gipa-ambit sa National Commission on Indigenious People ang ilang Annual Accomplishment Report sa tuig 2016.
Matud ni Mr. Fundador Binahon, NCIP nga naka-apod-apod na sila ug Certificate of Ancestral Domain Titles alang sa mga nagkalain-laing organisasyon ug lugar sa mga lumad ning probinsya.
Base sa taho ni Binahon, adunay 33, 318 ka ektaryang luna na gilangkuban sa 400 ka mga benepisyaryo nga nasakop sa Sumilao, Impasug-ong, Don Carlos, Kalilangan, Pangantukan, Valencia City, Malaybalay City, Maramag, talakag, Cabanglasan, Manolo Fortich, Quezon ug San Fernando.
Samtang gipahayag pa ni Binahon, nga base sa resulta sa seleksyon sa Indigenous Peoples Mandatory Representatives (IPMR) adunay seventy-nine (79) ka mga Barangay IPMR. Samtang pito (7) ka mga Municipal IP- Mandatory represintatives sa Talakag, Manolo Fortich, Malitbog, Pangantucan, Kalilangan, Kitao-tao ug San Fernando. Isa usab ka IP- Mandatory Representative ang gipili sa Pangagamhanang Probinsyal sa Bukidnon.
Samtang, hugot na gipanghingusgan matud pa sa NCIP ang programa sa pagsuporta ug Financial Assistance sa 122 ka mga magtutungha sa elementary hantod sa kolihiyo na kung aha anaay gigahin na 2,010,000.00.
