MGA ANOMALIYA OG IREGULARIDAD SA PAGPANG-APOD-APOD SA TABANG PINANSYAL ILAWOM SA SAP, SUSIHON SA DSWD UG DILG
Giawhag sa Department of Social Welfare and Development (DSWD) ang publiko na i-report sa ilang buhatan ang mga anomalya og iregularidad labot sa pagpang-apod-apod ug tabang pinansyal ilawom sa Social Amelioration Program (SAP).
Kini dihang nadiskobrehan na adunay pipila nga ‘patay na’ apan nakadawat og financial assistance sa SAP.
Sa interview sa RMN kang DSWD Spokesman Director III Irene Dumlao, nagmugna ang DSWD og Grievance Redress System (GRS) niini mahimong ireport sa katawhan ang ilang mga reklamo o anomalya sa listahan sa sap beneficiaries.
Sigun sa opisyal, 24/7 nakatutok ang DSWD Central Office-Operation Center na adunay hotline 16545 para tmodawat ug reklamo.
Gipaniguro sa opisyal na ang tanang madawat nilang report ang ilang paga-aksyunan.
Makig-alayon sab ang DSWD sa Department of Interior and Local Government (DILG) aron pahamtangan og silot ang mga Local Government Units (LGUs) na mohimo og iregularidad.
Basi sa datos sa DSWD, moabot na sa 80.3 billion pesos ang kinatibuk-ang pundo nga nahatag sa LGUs.
