Davao City – Walay nakitang panginahanglan aron kambyoan ang lyrics kun letra sa sa ulahing bahin sa national anthem nga ‘Lupang Hinirang’ partikular sa ulahing bahin kanta.
Atol sa interbyu kang Ateneo de Davao University (ADDU) Political Science Prof. Ramon Beleno III, miingon kini nga ang problema mao ang literal nga pagsabot sa katawhan ilabi na sa ulahing linya sa kanta nga ‘ang mamatay ng dahil sayo’.
Gitataw ni Beleno nga ang maong linya nagpasabot nga andam kita buhaton ang tanan alang sa kagawasan sa nasud Pilipinas gani usa lamang kini ka matang sa panig-ingnan kun symbolism.
“Ang sinasabi nila na its no longer applicable dapat yung buong kanta yung papalitan at hindi ang buong lyrics,” matud niini.
Segun sa propesor nga kung aduna may plano kambyoan ang lyrics sa nasudnong awit, mas maayo nga ilisan nalang ang tibuok kanta.
“Yung historical background ng ating national anthem ay importante din sa pagbuo ng Filipino identity so hindi ko maintindihan kung bakit kailangan palitan yung lyrics,” matud niini.
Gani gikwestyon niini kung ang pag-ilis ba sa lyrics kun linyada sa mga pulong makapadugang sa nasyunalismo sa usa ka tawo gumikan mas daghan pang kinahanglan tukion nga problema sa nasud inay sa pag-ilis og liriko sa kanta.
Sa pikas bahin, dili uyon si Beleno nga dugangan pa og usaka ‘ray’ kun bidlisiw sa adlaw nga simbolo diha sa Philippine flag sanglit gawas nga dili kabisado sa kabatan-onan ang matuod nga diwa, makahatag pa kini og negatibong epekto sa internasyunal nga lebel.
“In fact hindi tayo basta-basta nagpapalit kahit na pangalan ng code ng mga airports natin kasi nga may epekto yan internationally,” dugang ni Beleno.
RadyoMaN Jason Amisola
