Davao City – Gikinahanglang pakusgan ug iimplementar ug tarong ang Child Protection Policy diha sa mga tulunghaan.
Kini sumala ni Committee on Women, Children and Family Relations chair Councilor Avegayle Ortiz-Omalza atol sa interview sa RMN Davao aron maproteksyunan ang mga kabataan batok sa mga bullying incidents.
Gitataw sa konsehal nga i-agi gayod og saktong proseso ug imbestigaran og tarong kung ugaling adunay sumbong gikan sa bata nga na-bully siya diha sa eskwelahan o sa komunidad.
“As a parent pud, ayaw usa dayon og tuo. Imoha usang i-assess ang situation, if ever nga bullying gyod ang nahitabo, pwedi nimo i-catch ang attention sa teacher para ma-discuss ug kadtong usa pod ka parent sa child para at least maaksyunan,” sumala ni Ortiz-Omalza.
Sumala ni Ortiz nga gawas sa maong programa angay usab palapdan ang awareness ug pakiglambigit sa mga ginikanan aron masayod sila sa ilang mga responsibilidad ngadto sa ilang mga anak.
Ubos usab sa Children Welfare Council, ginapatawag nila ang Department of Education aron sa paghatag og katin-awan ug aksyon sa mga mahitabong bullying sa mga eskwelahan.
RadyoMaN Aimee Guinita
