Davao City- Usa ka maayong lakang ang gihimo karon ni Presidente Rodrigo Duterte kabahin sa pagmugna og Presidential Anti-Corruption Commission.
Kini ang opinyon ni Davao City Councilor ug Majority Floor Leader Bernard Al-ag atol sa interbyu sa DXDC RMN Davao diin sumala ni Al-ag, dako og tabang sa National Government diha sa kampanya batok korupsyon ang nasangpit nga commission aron maundang kun makunhuran ang mga kaso sa korupsyon sa gobyerno.
Subay kini sa pormal ng gipirmahan ni Pres. Duterte ang Executive Order kun EO 43 kun pagmugna og Presidential Anti-Corruption Commission diin usa sa mga trabaho niini mao ang paghimo og lifestyle check ug fact-finding inquiries sa tanang presidential appointees ug public officers sa Armed Forces of the Philippines kun AFP, Philippine National Police kun PNP ug uban pang ahensya sa gobyerno.
Mamahimong epektibo ang operasyon sa Presidential Anti-Corruption Commission kinse ka diyas human ang publication niini.
RadyoMan Renz Barbarona
