Davao City – Sa panahon karon, lahi na ang istilo sa paningil kun kaniadto sakit nga istorya ang madunggan sa mga na-kautang apan karon pakaulawan na sa social media na sama sa Facebook pinaagi sa pagbandilyo sa ilang mga pangalan nga sila wala pa makabayad sa obligasyon.
Apan posible ma-undang na kini nga buhat kini human nga giduso karon ni Senador Sherwin Gatchalian sa senado nga mao ang Senate Bill #1366 kun The Fair Collection Debt Practices Act.
Suportado sa Mindanao Development Authority ang balaud nga gipanday ni Senador Gatchalian kansang nagtinguha sa pagprotekta sa mga utangan nga pakaulawan ug hulgaon sa mga collector panahon dili sa binulan nga obligasyon ang mga utangan.
Matud ni Minda Spokesperson Professor Adrian Tamayo nga angay lamang butangan og boundary ang mga collector aron dili nila pamaulawan ug mahulga ang mga tawong pakyas makabayad sa utang.
Suma ni Professor Tamayo nga dili angay tugtan nga maabuso kun abusohon ang paggamit sa internet kun social media pinaagi sa pagbandilyo sa pangalan ug nawong sa tawong utangan nga dili makabayad sa utang.
Ang social media ug pagpanghulga sayop nga lugar sa pagbitbit sa isyu sa kagahi’g sa mubayad inay ang proper forum mao ang barangay diha sa pagsulbad sa bangi tali sa collector og utang ug sa gipaninglan.
Gidugang pa niini nga dili igong rason ang pagdelatar og bayad aron pakaulawan na sa publiko ug pasakitan og pulong ang mga tawong utangan nga gustong tuldokan karon ni Senador Gatchalian.
RadyoMaN Joel Viray
