Davao City – Gidasig ang tanang mga opisyales sa 182 barangays ug mga homeowners sa Davao nga pakusgan gayod ang mga programa batok dengue.
Sumala ni committee on health, chair Councilor Mary Joselle Villafuerte nga ubos sa giduso nga Davao City Mosquito Borne Diseases Prevention Program ordinance gikinahanglang magtukod og Mosquito Borne Diseases Prevention Task Force ang kada barangay aron muimplementar sa mga programa sa pagpakgang sa kaso sa dengue.
Sumala sa konsehala nga dili na angay pang hulatong magdeklara gayod og outbreak.
Tumong usab sa maong gilaraw nga ordinansa nga seguraduhong mulihok gayod ang tanang mga taga-Davao.
Gikanayon sa konsehal nga mamahimong masilotan mapamatud-ang nagpasagad ug wala nituman niini nga gilaraw nga ordinansa.
Atol sa privilege speech ni Villafuerte niadtong Martes sa 5th regular session sa konseho mokabat sa P7 million pesos na ang nagasto sa dakbayan para sa nagpadayong mga programa batok sa dengue.
RadyoMaN Aimee Guinita
