ANTI-DRUG CAMPAIGN | Ginabanta P700, 000 pesos nga kabilogan nga balor sang ilegal nga druga, narekober sang kapulisan sa serye sang operation sa Capiz sa sulod sang anum ka bulan sang 2018!

Roxas City, Capiz- Naglab-ot sa ginabanta 115-gramos sang shabu ukon nagalab-ot sa P700, 000 pesos ang market value sang mga narekober nga ilegal nga druga sa ginkasa nga mga operasyon sang katapo sang kapulisan sa Capiz sa sulod sang nahauna nga anum ka bulan subong nga 2018.
Bangod sini, nagalab-ot na sa kabug-osan nga 52 ka bilog nga mga drug suspect ang natigayon nga nadakpan.
33 ka mga operasyon ang ila ginkasa kun sa diin sa 52 ka mga nadakpan, 48 na ang napasakaan sang kaso nga paglapas sa RA 9165 ukon Comprehensive Dangerous Drugs Act of 2002.