BANTAY TA SA MULTA! Aprobado na ug strikto na nga ipatuman ang ordinansa batok illegal dumping sa mga basura dinhi sa dakbayan sa Butuan. Usa ka ordinansa gipanday ni City Councilor Cromwel Nortega, chairman sa Committee on Environment Sanggniang Panglungsod ug gipirmahan ni Mayor Ronnie Vic Lagnada alang sa kalimpyo sa dakbayan. Ang maong odinansa nag tangag ug dakong multa-silot diin ang madakpan nga mag illegal dumping maka multa sa kantidad nga P2,000 pesos o 40 hours community service sa unang paglapas. Sa ikaduhang paglapas aduna na kini multa nga P3,000 pesos o 80 hours community service. Sa ikatulong higayon nga paglapas multahan na kini ug P5,000 o 120 hours community service apan sa ikaupat nga paglapas pasakaan na kini ug tukmang kaso sa korte. Sa bisan kinsang masakpan nga mulapas niini nga ordinansa, paga-isyuhan ug Sanitation Citation Ticket ug dapat mo report sa City ENRO sulod sa 72 ka oras. Kung walay makasakop sa aktong illegal dumping diha sa Barangay, ang Basura Patroller mopahibalo sa Punong Barangay diin nakita ang tinambak nga basura ug adunay 24 oras lamang nga kini dapat hiposon. Kun ugali walay aksyon nga himoon sa Barangay, ang Punong Barangay sa maong lugar diin adunay illegal dumping ang isyuhan ug Sanitation Citation Ticket. Human kini ma tala sa mantalaan niadtong Enero 9, 2018, mamahimo na kining ipatuman sa petsa 19 sa Enero niining tuiga. Sent from my Samsung Galaxy smartphone.
