Davao City – Adunay posibilidad nga mo-atras o mobiya ang mga foreign investors sa nasud gumikan sa mga rally ug protesta sa militant labor sector.
Sumala ni Allan Tanjusay sa Associated Labor Union (ALU-TUCP), mohawa o di na modayon sa pagbutang sa ilang negosyo ang mga langyaw’ng magpapatigayon kung wala masubay sa balaud ang himoong mga rally sa pagpanguna sa Kilusang Mayo Uno (KMU) ug mga kaalyados niini.
Giklaro usab ni Tanjusay nga counter-productive kun mas makapasamok ang pagsigi ug panaway sa mga kritiko batok ngadto kang Pres. Rodrigo Duterte.
Usab ang ALU-TUCP nagtoo nga dili ‘anti-worker’ ang pangulo tungod kay sila mismo sa sector sa trabahante ginahatagan ug higayon nga makapadayag sa ilang gibati ug maka-istorya mismo ang pamuno-nasud.
RadyoMaN Bernard Pantallon
