Uyon ang usa ka anti-drug advocate nga kasuhan ang mga barangay opisyales nga in-aktibo sa anti-drug abuse council (BADAC).
Sa interview sa RMN Malaybalay ngadto kang Atty. Clarence Paul Oaminal, kanhi undersecretary sa Dangerous Drug Board gipahayag niini nga dugay nang gimando ang pagmugna ug BADAC apan subo lang tungod kay aduna pa gihapoy nga barangay officials nga gibaliwala lamang ang mao nga kamanduan.
Gitawag usab sa abogado nga mga ignorante ang ubang opisyal nga dili aktibo sa BADAC samtang ang uban usab malisyoso tungod kay wala nagpakabana niini.
Matud ni Oaminal nga nanghinaut siya nga unta mapukaw ang mga barangay nga ilabina sa Bukidnon nga muhimo sa ilang mandato ilabina karong nagsingabot ang eleksyon.
Gipanawagan usab ninii sa mga barangay officials nga seryusuhon kini ug ipakita sa katawhan ang ilang kaikag nga masumpo ang illegal nga droga.
Gikastigo usab niini ang mga opisyal nga nagpapili nga dili mutuman sa ilang mandato isip mga public servant.
Sigun pa niini nga mas nakabalo ang mga opisyal sa barangay sa gapanghitabo sa ilang mga area of responsibility ilabina sa kalihukan sa illegal nga droga.
