General santos City–Pormal nang napasakaan ug kasong pagsupak sa Republic Act 9165, sec. 11 (Comprehensive Dangerous Drug Act of 2002) si Barangay Tambilil Kapitan Latip Mingkat human nga nakuhaan ug gituohang shabu ang panimalay niini atol sa gihimong ronsa sa kapulisan ug sa PDEA-12 niadtong nakalabayng adlaw.
Nasayran nga gahapong adlawa, hingpit nga na-file ang kaso batok sa nahisgutang kapitan subay sa kumpermasyon ni Joni Layso, ang tigpamaba sa PDEA-12.
Gikaingong wala ang kapitan sa iyang panimalay dihang gihimo ang ronda apan nakakuha nag awtoridad ug (1) ka gramo sa gituohang shabu sa balay sa suspek.
Sa kasamtangan nagpaabot nalang ang mga sakop sa PDEA-12 nga mugawas ang warrant of arrest sa suspect aron nga kini masikop. (Dave Silagan)
