South Cotabato – Usa patay, usa sikop samtang usa nakasibat sa gihimong Anti-Illegal Drug Operation sa Barangay Polonuling ug Barangay Palian, Tupi, South Cotabato niadtong nakalabayng adlaw.
Nasayran nga mukabat sa 45 ka mga search warrant ang gisilbi sa kapulisan ngadto sa 15 mga target sa maong mga barangay.
Giila ang namatay nga si Mindatu Aminola, residente sa Purok 8, Barangay Polonuling, Tupi kansa misukol sa kapulisan atol sa operasyon. Narekober gikan sa iyang posisyon ang .38 revolver nga pistola nga loaded ug mga bala.
Sikop usab ang suspek nga si Bayan Dimalao kansa nakuhaan ug (4) ka sachet sa gituohang shabu. Nakasibat usab ang usa ka barangay kagawad nga si Abi Bansil , usa sa mga target sa maong operasyon human nga nakamatikod sa presensya sa awtoridad.
Narekober sa iyang panimalay ang (4) ka sachet sa gituohang shabu ug (1) Unit sa Granada.
Sa kasamtangan giandam na ang kasong ipasang-at batok sa dinakpan ingon man sa Barangay kagawad nga una nang nakasibat.
