General Santos City–Usa dakpan samtang duha nakasibat sa gihimong one time big time operation sa hiniusang pwersa sa kapulisan nga gilangkuban sa South Cotabato Provincial Command, Regional Mobile Force Battalion, Provincial Mobile Force Company ug Polomolok Municipal Police Station sa Barangay Sulit, Polomolok, South Cotabato.
Giila ang nasikop nga si Umar Adam, residenti sa nasampit nga barangay samtang nakasibat mao silang si Redzkie Dumato, ug Jaffer Mariano, pulos residenti sa maong Barangay.
Mukabat sa (3) ka pakete sa gituohang shabu , 1 ka rifle grenade ug mga drug paraphernalia’s ang nakuha sa kapulisan sa panimalay ni Adam.
Samtang nakuhaan usab si Mariano ug (2) ka sachet sa gituohang shabu samtang usa ka rifle grenade ang nakuha sa nakasibat nga si Dumato.
Nasayran nga kaadlawon kagahapong adlawa dihang gi-served sa kapulisan ang mukabat sa 52 search warrant sa kalapasan sa RA 9165, RA 10591 ug paghupot ug eksplosibo ngadto sa 13 mga target, apan tulo lang ang nagpositibo.
