General Santos City—Sikop ang duha ka mga lalaking lambigit sa iligal nga droga atol sa gihimong operasyon sa Police Station 4 alas 5:00 ang takna sa hapon sa nakalabayng adlaw.
Mga nadakpan giilang silang si Shimy Magan, 37 anyos, residenti sa Isabella Homes, Barangay San Isidro, Gensan, ug Christian Antonio Claro, 20 anyos, Residenti sa Lower Guinto, Barangay San Isidro, Gensan.
Una nang napalitan sa kapulisan ug gituohang shabu ang target sa operasyon nga si Claro gamit ang P500.00 nga marked money. Sa kinatibuk-an mukabat sa (7) ka mga sachets a gituohang shabu ang narekober sa posisyon ni Claro.
Samtang si Magan nakuhaan usab ug (2) ka sachet sa gituohang shabu mao nga apil kining gisikop.
Sa karon ang duha ka mga suspek tingkagol na sa silda sa Police Station 4 ug giandam na ang kasong kalapasan sa RA 9165 nga ipasang-at batok sa mga suspek.
