South Cotabato- Sikop ang duha ka mga personahe nga lambigit sa illegal drugs atol sa gipahigayong buy-bust operation sa Koronadal City niadtong nakalabayng adlaw.
Giila ang biktima nga si Cyril Egcasan Gabuya alyas “Kim”, 32, residente sa Purok Malipayon, Barangay Sto. Niño ug Rhecel Ababon alyas “Kulot”, 38, residente sa Purok M. Forro, Barangay GPS, Koronadal.
Nakuha gikan sa posisyon ni Gabuya ang duha ka small pack ug 2 ka medium pack sa gituohang shabu, drug paraphernalia ug P500.00 marked money.
Samtang usa usab ka sachet sa gituohang shabu, drug paraphernalia ug P500.00 nga marked money ang nakuha gikan kang Ababon.
Kasong kalapasan sa Republic Act 9165 o Comprehensive Dangerous Drugs Act of 2002 ang ipasang-at batok sa duha ka mga dinakpan kansa balhog pa karon sa silda sa Koronadal Police Station.
