South Cotabato- Sikop ang tulo ka mga suspetsadong lambigit sa iligal nga droga atol sa gipahigayong drug buy-bust operation nga gipahigayon sa City Police Drug Enforcement Unit (CPDEU) sa Koronadal City niadtong nakalabayng adlaw.
Unang gihimo ang opersyon sa Lower Tuburan, Barangay Sta. Cruz, Koronadal nga miresulta sa pagkasikop sa mga suspek nga silang si Johnlee Astrologo alyas ‘Lopot”, 34, van driver ug residente sa Casa Subd., Barangay Zone 3 ug Jerson Villaruel alyas “Jing-jing”, 48, residente sa Purok Poticar, Barangay GPS.
Nakuha sa posisyon sa duruha ang (2) ka sachet sa gituohang shabu, drug paraphernalia ug P300 nga marked money.
Sunod nga nasikop sa Purok Megaland, Barangay Carpenter Hill si Jesson Taton alyas “Nonoy”, 24, construction worker ug residente sa Bo. 5, Banga, South Cotabato.
Nakuha sa posisyon sa suspek ang (5) ka sachet sa gituohang shabu ug P500.00 nga marked money.
Kasong kalapasan sa RA 9165 ang gikatakdang ipasang-at nga kaso batok sa mga nahisgutang suspetsado.
