Maguindanao Province—Takdang pasakaan ug kaso ang upat ka mga suspetsadong gikonsiderang high value target nga drug dealers kansa una nang nasikop sa awtoridad sa Maguindanao province naidtong nakalabayng adlaw.
Giila ang mga dinakpan nga silang si sina Salama Diwa Talib, usa ka magtutudlo; Mahmod Guiamalodin Dimudtang, Saiden Adil Yusa ug Naser Pasawilan, samang mga residente a Barangay Pagatin, Datu Salibo, Maguindanao.
Una nang nasikop ang mga nasangpit sa gihimong buybust operation sa may Barangay Awang, Datu Odin Sinsuat, Maguindanao, nga miresulta sa pagkasikop sa mga nasangpit human nga nakuhaan ug 50 gramos sa gituohang shabu nga nagkantidad ug P340,000.
Samtang laing 950 gramos sa gituohang shabu ang nakumpiska sa posisyon sa mga nasangpit nga mukabat sa kapin P6,0000.00.
Sa karon pabiling balhog sa silda sa kapulisan ang nasangpit nga mga suspetsado.
