General Santos City–Malampusong nasikop sa hiniusang pwersa sa PDEA-12 ug Police Station 3 ang upat ka mga gikonsiderang high value target nga nagapamaligya ug iligal nga droga sa syudad alas 12:30 ang takna sa udto kagahapong adlawa sa Superville Subd. Barangay Lagao.
Giila ang mga suspect nga silang Amed Moraga alyas Boyet, 39, mag uuma, Wendilyn Moraga, 37, Isagani Manza Jr. 29, ug Saturnino Masinogot Jr., 25, driver parehong lumulopyu sa barangay Batomelong, Gensan.
Napalitan ang mga nasangpit ug (1) ka sachet sa gituohang shabu gamit ang P500.00 nga marked money, samtang nakuha usab sa ilahang posisyon ang laing pang mga sachet sa shabu.
Gibana-banaang anaa sa (50) gramos nga shabu ang nakuha sa mga suspect nga adunay market value nga P340,000.00. Kasong pagsupak sa RA 9165, sec 5 ug 11 ang atubangon sa mga suspect. (Dave Silagan)
