General Santos City–Tingkagol karon sa Police Station 5 ang usa ka 42 anyos nga giilang usa ka Carlos Ygonia alyas taloy 46, residente sa Greenmidus extension, Barangay Tambler ning syudad human nga gisulod sa kapulisan nga sakop sa City Police Drug Enforcement Unit ang panimalay niini ala 1:00 sa buntag sa nakalabayng adlaw.
Nasikop ang nasangpit pinasikad sa usa ka search warrant nga pinirmahan ni hon. Judge Oscar Noel Jr. sa RTC BR-35 tungod sa paghupot niini ug iligal nga droga.
Nakuha sa panimalay sa suspect ang (5) ka dagkong sachet sa gituohang shabu nga gisulod sa butangan ug candy.
Sa kasamtangan giandam na sa mga personahe sa CPDEU ang kasong pag-supak sa RA 9165, Sec 11 o paghupot ug iligal nga droga batok sa nasangpit nga suspect.
