Sultan Kudarat – Patay ang usa foreman atol sa gihimong buybust operation sa Kapulisan didto sa Isulan, Sultan, Kudarat sa nakalabayng adlaw.
Giila ang suspetsado nga si Juvie Mar Dimaranan, residente sa Tondo, Manila ug temporaryong nagpuyo sa lungsod sa Isulan.
Subay sa inisyal nga report sa Isulan PNP nakamatikod ang suspek nga pulis ang iyang katransaksyon, kalit kining mibunlot ug caliber .38 nga pistola dayon gipabuthan ang mga pulis.
Didto na mibalos ug pagbuto ug armas ang pulis nga miigo sa suspek nga hinungdan sa kamatayon niini.
Usa ka pakete sa gituohang shabu, .38 caliber pistol ug P500.00 nga marked money ang narekober sa kapulisan gikan sa suspetsado.
Facebook Comments
