General Santos City–Sikop sa hiniusang pwersa sa mga personahi sa Tambler police station ug Makar police station sa ilang gipahigayong buy bust operation ang usa ka tag-iya food court nga nakabase sa Gensan City fishport nga nailang si Vennar Nabales, 40 anyos, lumulopyo sa Zone 2-C,barangay Bula, ug ang ka susyo niini sa ginadiling droga nga si Aries Las PiƱas, 39 anyos, residente sa Purok Acaharon, barangay Labangal .
Kahibaluan nga bandang alas 10:00 sa buntag dihang gihimo ang Buy-bust operation diin nakuha sa iyang posisyon ang (1) ka sachet sa gituohang shabu ingon man marked money P500.00.
Dihang nasikop na si Nabales gibutyag niini ang iyang supplier ug shabu nga si Las PiƱas hinungdan gikasa usab ang buy bust operation alas 11:30 sa udto sa may North Gate, Makar Wharf, barangay Labangal, kung asa nakuha usab sa posisyon sa nahisgutan ang (4) ka sachet sa gituohang shabu ingon man marked money P500.00.
Sa gihimong pakighinabi sa RMN news team kang Police Chief Inspector Basher Alindo Hepe sa Tambler PNP gibutyag niini nga dugay na nilang gimonitor si Nabales gumikan sa illigal nga trabaho niini sulod sa fish port . (Ray Sabillo)
