General Santos City—duha ka adlaw human ang Barangay Election, dakpan sa operatiba sa Philippine Drug Enforcement Agency Regional Office -12 (PDEA RO-12) ang usa ka re-elected nga barangay Kapitan dungan sa ilang gihimong Search Warrant operation sa may Purok Narra, Brgy. Malasila, Makilala, North Cotabato niadtong May 16, 2018.
Giila ang suspek nga si Re–elected Bgy. Captain Melvin Fortajada, (HVT/Watchlisted), 48, residenti sa maong Barangay.
Nakuha sa panimalay sa maong kapitan ang nagkandaiyang drug paraphernalia; (3) ka gramo sa gituohang shabu nga dunay estimated street value P20,400.00 ug (3) ka buhing bala sa kalibre 45.
Kasong kalapasan sa Section 11 (Illegal Possession of Dangerous Drugs) Article II sa RA 9165 (Comprehensive Dangerous Drugs Act of 2002) ug RA 10591 ang gikatakdang ipasang-at batok sa suspek kansa balhog na karon sa silda sa PDEA-12.
