General Santos City—Sikop sa operatiba sa Police Station 3 ang usa ka lalaking lambigit sa iligal nga droga atol sa gihimong buy-bust operation sa Police Station 3 sa Purok 3, Townsite, Barangay Buayan, Gensan.
Suspek giilang si Christian Datu Lu, legal age, residenti sa maong lugar.
Alas 11:00 ang takna sa gabie dihang gihimo ang buybust operation sa maong lugar nga miresulta sa pagkasikop niini human kining napalitan ug (1) ka sachet sa gituohang shabu gamit ang P500.00 nga marked money.
Wala na makaporma pa ang suspek dihang nakorner sa kapulisan dihang miuyon sa transaksyon sa pulis nga nagpakarong-ingnong poseur buyer.
Sa karon si Lu anaa na balhog sa silda sa Police Station 3 ug gikatakda na kining pasakaan ug kasong kalapasan sa RA 9165.
