General Santos City—Malampusong nasikop pinasikad sa buybust operation sa Police Station 1 ang usa ka volcanizer nga si Cyrell Cualez, 34, residenti sa Chico Street., Barangay North Gensan.
Una nang nakadawat ug report ang Police Station 1 gikan sa ilang asset nga mikagat sa iyang tanyag ang suspek bahin sa transaksyon sa iligal nga droga.
Tungod niini gipahigayonan ug buybust operation sa kapulisan ang nasangpit nga misangko sa pagkasikop niini human napalitan ug (1) ka sachet sa gituohang shabu gamit ang P500.00 nga marked money.
Samtang laing usa pa ka sachet sa gituohang shabu ang nakumpiska sa kapulisan gikan sa posisyon sa suspek. kasong kalapasan sa RA 9165 gikatakdang atubangan sa suspek kansa balhog karon sa silda sa Police Station 1.
