General Santos City–Malampusong nasikop sa gipahigayong buybust operation sa mga personahe sa Police Station 1 ang usa ka vulcanizer nga si Cyrl Cuales, 34, ug residente sa Chico St. Bo. Obrero, Barangay Dadiangas North ning syudad alas 5:25 ang takna sa hapon.
Napalitan matud pa ang suspect ug (1) ka sachet sa gituohang shabu samtang nakuha usab sa iyahang posisyon ang lain pang sachet sa shabu ug mark money nga P500.00.
Nasayran nga una nang nakadawat ug impormasyon ang kapulisan gikan sa ilahang asset nga takdang mamaligya ug iligal nga droga ang suspect didto mismo sa iyahang pwesto sa Bulaong Avenue, Barangay Dadiangas North, Gensan hinungdan nga gikasa sa kapulisan ang operasyon sa pagpanguna usab ni Police Senior Inspector Roel Abejero ang hepe sa Police Station 1.
Kasong pagsupak sa RA 9165 (Comprehensive Dangerous Drug Act Of 2002) ang atubangon sa suspect nga gikustudiya karon sa selda sa Police Station 1. (Dave Silagan)
