Wala na matud pay dinagko o mga commercial illegal logging sa lalawigan sa Bukidnon.
Sa interview sa RMN Malaybalay ngadto kang Virgilino Alema, ang Provincial Environment and Natural Officer sa probinsya, gibutyag niini nga wala nay mga illegal logging nga naglihok sa Bukidnon resulta sa ilang gipahugtang kampanya batok niini.
Aminado usab si Alema nga adunay mga gipamutol nga mga kahoy apan dili usab kini ginadgko ug giputol kini sa mga titulado nga mga yuta ug adunay permiso gikan sa PENRO.
Nagpasalamat usab ang PENRO sa kaabag nga mga buhatan sama sa PNP, DILG AFP nga nagtinabangay aron sa pagpatuman ug checkpoint ug aron dili makalusot ang naghimo ug illegal nga pagpamutol sa kahoy.
Nagpahimangno usab si Alema sa mga nanag-iya ug titulado nga yuta kung asa gipamutol ang kahoy nga kinahanglan nga magkuha ug travel permit sa ilang buhatan aron dili magkaproblema sa pag-transport niini.
Gawas nga adunay dako nga multa, mudagay usab ang pag-release niini kung madakpan.
