Padayon ang kampanya sa kasundaluhan sa probinsya sa Bukidnon batok sa problema sa insurhensya.
Sa interview sa RMN Malaybalay ngadto kang Cpt. Ryan Layug, ang civil military operations office ug spokesperson sa 403rd infantry brigade gibutyag niini nga kabahin sa anti-insurgency campaign ang ilang gihimo karon ang whole of the nation approach.
Matud ni Layug nga dili pa lamang dugay, na-aprubahan sa Provincial Peace and Order Council ang Bukidnon Task Force to end local communist armed conflict kon Bukidnon Task Force ELCAC nga gipangunahan ni Governor Jose Maria R. Zubiri Jr.
Dili lang matud pa ang epekto sa ilang kampanya tungod kay kung mahinumduman matud ni Cpt. Layug nga nagpagawas usab ug resolusyon ang kahugpungan sa mga Mayores sa 20 ka mga lungsod sa Bukidnon o ang League of the Municipalities of the Philippines nga nagdeklara nga persona-non grata sa mga CPP NPA.
