Palo, LEYTE – Gin-anunsyo ni Philippine National Police (PNP) Chief Director General Oscar Albayalde nga temporaryo la anay nga sususpendihon an ira Anti-Insurgency Operations matapos an nahinabo nga “misencounter” ha butnga han mga kasundaluhan ngan kapulisan ha Sta. Rita, Samar.
Unom nga kapulisan han 805th Mobile Company han PNP Regional Mobile Force Battallion an namatay ngan siyam naman an samaran matapos mahinabo an purugsilay han 87th Infantry Battallion han Philippine Army.
An mga kasundaluhan in nakadto na ha bukid unom na kaadlaw para puypuyon an mga myembro han New People’s Army (NPA) nga naireport nga nakit-an ha bungto han Sta. Rita ngan Pinabacdao ha Samar.
Siring ni Albayalde, waray timeline an investigation pero kinahangalan nira gumawas an resulta ha madali nga panahon.
