Davao City – Usa na ka ‘perennial problem’ ang droga hinungdang makalusot gihapon bisan asa nga mga prisohan sa atong nasud.
Sumala ni Philippine Drug Enforcement Agency (PDEA-XI) Regional Director Antonio Rivera, ang nahitabo sa Davao City Jail kung nganong duna gihapo’y mga droga nga nakasulod dili lang nahitabo dinhi sa Davao apan bisan pa sa ubang mga dagkong bilanggoan.
Matud ni Rivera, advance magplano ang mga sindikato kung itandi sa ahensya sa gobyerno sa ilang himoon ang tanang modus operandi kun mga pamaagi aron makalusot.
Gipasabot ni Rivera nga wala magkulang ang mga kawani sa Bureau of Jail and Management Penology (BJMP) sa ilang gipatumang pagbantay sa mga bilanggoan kontra droga apan nalutsan lang gyud sila.
Una niini, duna nay gihimong mga pag-relieve sa mga jail guards nga giingong nalambigit sa sindikato isip kabahin sa ilang gipatumang preventive measures ug internal cleansing process.
RadyoMaN Bernard Pantallon
