Davao City – Posibleng ilahos na hangtod sa katapusan sa Pebrero ang pagpailawom sa dakbayan sa Measles Outbreak.
Sumala ni City Health Office Head Dra. Josephine Villafuerte aduna pa silay apason nga 50% nga pambakunahang mga bata og kontra tipdas dinhi sa syudad.
Giesplekar ni Villafuerte dili pa makaya nga mahuman nila og immunized ang mga kabataan base sa ilang target date nga Pebrero 7.
“We will assess the Outbreak Response Immunization (ORI) this February 7 after which we will decide if we will still continue, pero kung medyo alanganin kailangang magpatuloy pa” sumala ni Villafuerte.
Sa pinakaulahing rekord sa CHO mokabat sa dul-an 95mil na ka bata ang naturukan og kontra tipdas, nakatala og 272 ka suspected cases ug 24 ang kumpirmadong naigo sa tipdas ug nagpabiling anaa sa 14 gisuspetsahang namatay tungod usab sa maong sakit.
RadyoMaN Aimee Guinita
