PONTEVEDRA, NEGROS OCCIDENTAL – Duha ka pasahero ang nagkalasamaran sang aksidente nga nabungguan sang isa ka Ceres bus ang isa ka tricycle sa National Highway sang Brgy. 3 Poblacion, Pontevedra mg alas 12:30 kaina sang udto.
Nakilala ang mga biktima na sanday Joebert Garsolasco, 31 anyos, pumuluyo sang amo nga lugar kag driver sang tricycle subong man ang pasahero niya nga si Lorena Panique, 41 anyos, pumuluyo sang New Carmen, Brgy. Poblacion, Pontevedra.
Samtang nakilala naman ang driver sang Ceres bus nga amo si Jerry Pansacala, 35 anyos, pumuluo sang Brgy. Sum-ag, ciudad sang Bacolod.
Suno sa imbestigasyon sang Pontevedra Police Station, ang bus naghalin sa sur nga bahin kag magapadulong sa norte sang ini ang nag-overtake sa isa ka naka-park nga salakyan.
Ginpahayag nga na-miscalculate sang driver sang bus ang distansya gani nabungguan niya sini ang wala nga likod sang tricycle.
Dali-dali nga gindala sa Valladolid District Hospital ang mga biktima samtang temporaryo naman nga gin-detain sa Pontevedra Municipal Police Station ang driver sang bus./Not the actual photo
