Anti-mendicancy law ug COVID-19 health measures hugot gipatuman sa WCPD

41

Davao City – Hingusgan sa Women and Children Protection Desk (WCPD) sa Davao City Police (DCPO), ang pagpatuman sa anti-mendicancy law ug health measures kontra COVID-19 karon nga duol na ang holiday season.

Sa interbyu sa DXDC RMN Davao kang Police Major Elisa C. Ramirez, DCPO-WCPD Chief matud niini nga sukad Oktobre nilusad sila og mga rescue operations ug gitabangan ang mga kabataan sa kadalanan.

Giawhag ni Ramirez ang publiko nga inay muhatag og limos i-direkta ug makigkoordinar sa lokal nga panggamhanan aron sa organisadong sistema sa pagtunol sa mga nanginahanglan.


Niadtong Biyernes, November 26, 2021 ang WCPD ug Davao City’s Quick Response Team for Children’s Concern (QRTCC) nilusad og rescue and pull out operation sa mga IP’s ug mga minors gikan sa Kapalong Davao del Norte nga giingong ni-hitch og dump trucks pasulod sa dakbayan.

Anaa sa 25 ka mga adults ug 5 ka mga minors ang ang gitabangan aron ihatud pagbalik sa ilang mga
lugar alang sa ilang mga seguridad.

“Although naa man ta ron sa pandemic unya naghingabot na ang Pasko, pero naa man tay balaod unya atoa pod tan-awon nga the more nga naa sila sa gawas o sa streets unya nagdala-dala pa gyod sila’g mga bata dekikado kaayo kay the more sila ma-expose unya kasagaran sa ilaha wala pa gyod na-vaccinate,” sumala ni Ramirez.



Nakigkoordinar ang lokal nga panggamhanan ubang law enforcement units aron dili mudagsa sa mga kadalanan sa syudad ang mga IPs kinsa sagad gikan sa Davao del Norte.

Sumala kang Ramirez, wala na kaayoy mga IPs nga mulugsong sa downtown gikan sa Marilog ug Paquibato tungod ang City Government of Davao adunay sestimang gipatuman pinaagi sa paghatud sa mga ayuda o Pinaskuhan sa maong mga lugar.


RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments