Duha ka lalake gi-atsa gumikan sa tuba

29

Dumalinao, Zamboanga del Sur – Tuba maoy usa hinungdan sa pagpanigbas nga nahitabo didtung dapita sa Purok Service, Barangay Bag-ong Silao, Dumalinao, Zamboanga del Sur alas 9 ang takna sa niaging gabii November 27, 2021.
Matod pa sa report sa Dumalinao Municipal Police Station, pinaagi ni Police Major Joel Galeriana ang biktima mao sila si Medeno John Mark Eslit Arsenal, lalake, 25-anyos, may live-in, mag-uuma ug Heltor Sy Oros, 19-anyos, mangingisda, ulitawo, pulos resedente sa Purok Service, Bag-ong Silao, Dumalinao, Zamboanga del Sur.
Giluba kini sa kainom nga si Andy Sy Cortez, lalake, hingkod ang panuigon, residente sa Purok Alpha, Bag-ong Silao, Dumalinao, Zamboanga del Sur.
Sa imbestigasyon nasayran nga ang kasuko sa suspek gumikan sa tuba kay naa kiniy baligya nga tuba apan didtu ang mga biktima nipalit sa laing tindahan og tuba.
Gamit ang atsa si Medeno John Mark Eslit Arsenal, naka-angkon og samad sa walang bahin sa ulo samtang si Heltor Sy Oros, may inatsahan sa bukobuko rason nga gidala sa Zamboanga del Sur Medical Center alang sa dalian nga medekasyon.
Samtang ang suspek ang nadakpan ra usab sa kapulisan ug gaatubang na kini sa kasong Double Frustrated Homicide sulod sa presohan sa Dumalinao MPS.

Facebook Comments