Roxas City, Capiz- Igaduso sang chairman sang *Committee* on Health nga si City Councilor Dr. Cesar Yap ang resolusyon nga nagakumbinser sa mga *establisyemento*-komersyal sa siyudad sang Roxas sa pag-adoptar sang “ *Pennsylvania* method”, isa ka pamaagi agud mas mapasangkad pa gid ang anti-smoking campaign.
Sa amu nga metodo, pagahatagan sang isa ka *establisyemento*-komersyal sang money incentive ang empleyado nga addicted sa pagpanigarilyo apang nakatigayon sa pag-untat sa amo nga bisyo sa sulod sang isa ka tuig.
Suno pa kay Yap nga ila na nga gin-tap ang Philippine Health Insurance Corporation(Philhealth) bilang isa ka health care provider agud nga mangin katuwang sa amo nga adbokasiya.
Ang “*Pennsylvania* method’” ang sahi sang pamaagi nga ginagamit sa pungsod Amerika kag nangin dalan agud madamo ang nag-untat sa pagpanigarilyo sa estado sang *Pennsylvania*.
photo (c)- Roxas City Information Center
