DAKPAN|Mag-amahan dakpan sa Anti-illegal drug operation sa PDEA

General Santos City—Sikop sa mga personahe sa PDEA Regional Office-12 ang amahan ug duha niini ka mga anak atol sa gihimong buy-bust operation sa Barangay Maltana, Tampakan, South Cotabato alas 3:45 ang takna sa hapon, kagahapong adlawa.

Giila ang suspek nga amahan nga si Jaime Canaria Malinao, Sr, kansa napalitana ug (1) ka sachet sa suspected shabu gamit ang P500.00 nga marked money.

Samtang nakuha usab sa iyang posisyon ang laing (3) ka sachet sa gituohang shabu nga may gibug-aton nga (20) gramos nga gibana-banaang muabot ug kantidad P136,000.00.


Sikop usab ang duha niini nga mga anak nga silang si Jaime Peligro Malinao Jr Alias Elek ug Mark James Peligro Malinao Alias Jimboy, human nga nakuhaan ug (1) ka sachet sa gituohang shabu ug Drug Paraphernalia’s.

Sa report sa PDEA- 12, ang amahan maoy source sa illegal drugs sa mga drug traffickers nga una nang nasikop sa PDEA sa maong lugar.

Kasong kalapasan sa Section 5 (Sale of Dangerous Drugs) ug Section 11 (Possession of Illegal Drugs), Article II sa Republic Act 9165 kon The Comprehensive Dangerous Drugs Act of 2002 ang ipasang-at batok kang Jaime Malinao Sr., samtang si Jaime Malinao, Jr., ang mag-atubang ug kasong kalapasan sa Section 11, ug si Mark James Malinao mag atubang usab ug kasong kalapasan sa Section 12 kon (Possession of Drug Paraphernalia).

Facebook Comments