Davao City – Dul-an 50 ka mga tao ang nadakpan human nakalapas sa anti-smoking ordinance sa syudad base sa San Pedro ug Sta Ana PNP sukad niadtong pitsa 18 sa adlawng Domingo hangtod sa pitsa 21 sa adlaw Miyerkules bulan sa Nobyembre ning tuig kasamtangan.
Sa datus gikan sa kapolisan sa San Pedro kapin 30 ka mga tao ang naaktuhan sa mga police nga nagsigarilyo sa gidili nga mga lugar samtang sa Sta Ana Pnp, kapin 20 usab ka mga tao ang nadakpan kinsa milapas sa maong balaod.
Ang mga nadakpan naisyuhan na og citation ticket subay kalapan sa City Ordinance 0367-12- series of 2012 kun Comprehensive Anti-Smoking Ordinance of Davao City diin adunay multa sa kantidad nga 500.00 pesos alang sa first offense, 1,000 pesos sa second offense 1,000.00 ug 1,500.00 pesos alang sa third offense.
RadyoMaN Don Pulayao
