Kalibo, Aklan – Balik eon sa normal rong mga biyahe it Ro-Ro vessel matapos nga uwa eon it storm signal rong probinsya it Aklan bangud man sa nag-agi nga Tropical Depression “Samuel”.
Suno kay Senior Chief PT Officer Vicente Macarci it PCG-Caticlan nga kaina it alas 3:00 rong aga-aga nag balik sa biyahe rong mga Ro-Ro vessel nga naga biyahe sa Caticlan paadto it Mindoro ag Caticlan paadto it Batangas vice versa.
Sa pag bantay ko aton nga PCG-Caticlan uwa man it mga nareport nga mga maeain nga insidente sa kaeaeawran.
Samtang rong biyahe it mga Ferryboat patabok it isla kung Boracay vice versa hay balik man eon sa dati nga operation matapos nga ginbutang sa 6:00 am hasta 6:00 pm rong biyahe.
Kamana man balik man eon ro mga water activities sa isla it Boracay matapos nga raya hay ginsuspende.
Matandaan na umpisa Martes hasta kahapon hay ginpaidaeom rong probinsya it Aklan sa storm signal # 1.
