Bisan pa man wala pa nakapagawas ang Lokal nga Kagamhanan sa BUtuan sa Implementing Rules and Regulations (IRR) sa Executive Order 26 sa Pangulo, apan suportado ni Punong Barangay Cesar Berdera, sa Obrero ang kampanya sa Nationwide Smoking Ban.
Gisuportahan usab ni Kapitan Berdera ang gilusad nga Anti Smoking Symposium nga gipasiugdahan sa DXBC RMN Butuan nga gipahigayun sa Barangay Oberero.
Si Ms. Torralba si DOH mao ang usa sa mga speakers sa mao nga symposium ug iyang gipasabot ang kadilikado sa panglawas sa pagpanigarilyo.
Sumala pa ang sigarilyo aduna kini 7,000 ka mga dilikadong chemicals, ug kana mao ang hinungdan sa cancer.
Ang nicotine sumala pa mao ang hinungdan nganong maka addict ang sigarilyo ug mao ang hinungdan sa pagbara usab niini sa sistema sa lawas diin apektado ang blood circulation.
