Davao City – Kawad-on, presensya sa disfunctional family, daghang mga nagapangita sa batang babaye dili lang mga langyaw kon dili lakip na ang mga lokal nga customers hinungdang ibugaw sila, maibog sa mga gadgets ug online prostitution: Pipila lamang kini sa mga nakitang hinungdan sa Talikala Inc., kung nganong adunay mga bata nag-edad 11 hangtod 12 anyos nga nahilambigit na sa prostitusyon sa syudad sa Davao.
Sumala ni Carina Sahonia, Talikala Inc.,Program Coordinator, kini nga mga bata makita ginabugaw wala pay labot niini ang online prostitution.
Tungod niini, nanawagan ang grupong Talikala ngadto sa gobyerno nga kung unsa ang mga balaud nga nagprotekta sa kabataan, hugtanon lamang kining ipatuman sama sa curfew on minors, dakpon ang mga tawong mopalit sa mga batang babaye ug enforcement sa Republic Act 7610 samtang gi-angkon sa Talikala nga maglisud sila sa pagmonitor sa online prostitution gumikan sa matang sa maong kalihukan kun modus operandi.
RadyoMaN Bernard Pantallon
