Malaybalay City, Bukidnon – Gipahalipayan sa Victims of Injustices Criminality and Terrorism in Mindanao (VICTIMS) ang Armed Forces of the Philippines (AFP) kalabot sa ilang pagkapatay nila ni Isnilon Hapilon ug Omar Maute nga nag-unang lider sa ISIS-Maute terror group sa Maraqwi City.
Sa interview sa RMN Malaybalay ngadto kang Arthur Tariman, convenor sa VICTIMS gibutyag niini nga dili lalim ang gihimo sa kasundaluhan tungod kay surgical operation ug dili air strike ang gihimo diin gituyuan gayod ug sulod sa militar ang nahimutangan sa mga teroristang lider hinungdan nga na-neutralize.
Nahimo matud pang nagmalampuson ang operasyon ug walay sibilyan ug hostages ang nadamay.
Pero tambag ni Tariman nga dili usab angayan nga magkumpiyansa tungod kay gipahayag sa ISIS East Asia kon Sharq Asiya nga sinugdan pa lang ang nahitabo sa Marawi City.
Gi-ingon sa anti-terrosism advocate nga gipahayag sa teroristang grupo nga gamiton nila ang leksyon nga ilang nakat-unan sa Marawi City maong mas maayo nga dili magkumpiyansa ang otoridad ug ang publiko aron mabatukan ang unsa mang hulga sa terorista.
