Davao City – Ensakto ang gihimo sa konseho sa syudad sa Davao nga ideklarang ‘persona non grata’ si Sen. Antonio Trillanes tungod kay usa ka pagpangdaut ang iyang gihimo dili lamang sa pamilyang Duterte kon dili ang tibuok syudad sa Davao.
Sumala ni Ata-Manobo Datu Allan Sumandang, supreme Tribal Council secretary general, wala nay nahimo si Trillanes tungod kay desperado na hinungdang iya na lamang ginadaut si presidente Rodrigo Duterte ug ang mga Dabawenyo.
Matud ni Sumandang, ang mga akusasyon ni Trillanes walay mga gibasehan ug bisan unsa na lamang nga pagpangdaut ang iyang gihimo ug angayan lamang nga dili siya i-welcome dinhi sa dakbayan sa Davao. Samtang giklaro usab si Datu Sumandang ang gihimong lakang sa syudad batok kang Trillanes dili harsh ug wala makasupak sa freedom of expression tungod kay ang iyang gihimo mas grabe pa.
Uyon usab ang deputy mayor sa Bangsa Iranun Pamekirin Arumpac Jr. sa pagdeklara nga persona non grata siTrillanes.
RadyoMaN Bernard Pantallon
