iFM Laoag – Trending kadagitoy a gundaway ti maysa nga ordinansa ti Barangay 39, Sta. Rosa iti siudad ti Laoag.
Daytoy ket ti ‘Anti-Tsismis Ordinance’ a pinutar ti konseho ti nasao a lugar nga indauloan ni Kapitan Roger Baloaloa.
Kinuna ni Baloaloa a naaramid ti nadakamat nga ordinansa gubuay paylaeng ti naruay a reklamo a maawat ti opisinada mainaeg paylaeng ti tsismis a pagaapaan dagiti agkarruba ken agkakabagyan.
Nakabatad iti ordinansa a saan a mabilin itan a mapagsaritaan ti kabibiag ti karruba nangnangruna iti personal a banbanag.
Agmulta ti siasinoman nga agsalungasing iti nasao a linteg, 500 pesos ken tallo nga aldaw a community service ti first offense, 700 pesos ken lima nga aldaw a community service iti second offense ken 1,000 pesos met ken pito nga aldaw a community service iti third offense.
Saan met a lusot dagiti bumibisita iti nasao a barangay iti nadakamat nga ordinansang. Gapu kadaytoy, patien ti konseho ti barangay a makatulong daytoy tapnu maliklikan ti panagaapa ti agkakaruba wenu agkapamilya ken agbalintopay a nakapia ti barangayda.
Bernard Ver, RMN News
