ANUM KA DOKTOR SANG ILOILO SAINT PAUL’S HOSPITAL KALAKIP SA 26 NGA NAGPOSITIBO SA COVID-19

115

Anum ka mga doktor sang Iloilo Saint Paul’s Hospital ang nagpositibo sa COVID-19.
Ginpahayag ni Dr. Sophia Pulmones, sa anum ka mga doktor sang Saint Paul’s Hospital nga nagpositibo sa COVID-19, lima diri ang taga-siyudad sang Iloilo kag isa ang taga-probinsya sang Iloilo.

Sa anum ka mga doktor, apat diri ang resident internal medicine, isa ka resident surgeon kag isa ka family medicine consultant.
Ini sila ang taga:- Villa Ofelia Subdivision sa Balantang, Jaro; Del carmen St., Jaro; Romar Subdivision sa Guzman St., Mandurriao; Puerto Real Subdivision, Tabuc Suba, Jaro; Bernwood Subdivision sa Nabitasan, Lapaz; kag Pakiad, Oton, Iloilo.
Sa pihak sini, ginadayaw sang tagdumalahan sang nasambit nga ospital ang natungdan nga mga doctor sa ila dedikasyon kag propesyunalismo sa pihak sang risgo nga ginaatubang bilang mga frontliners.
Ginpasiguro man sang Saint Paul’s Hospital nga hugot nila nga ginasunod ang mga nagakaigo nga health protocols para sa safety sang mga pasyente, mga bista kag mga naga-trabaho sa ospital.
Samtang, ginb-lockdown na ang ospital kag natalana ipaidalum sa swab test ang mga nagatrabaho diri agud masiguro ang ila ikaayong lawas suno kay Mayor Jerry Trenas.


Facebook Comments