DOH-6 NAKALISTA SANG PINAKAMADAMO NGA BAG-O NGA KASO SANG COVID-19 SA WESTERN VISAYAS

Nakalista sang pinakamdamo nga positibo nga kaso sang COVID-19 sa Western Visayas ang DOH 6 kahapon, Hunyo 28.
Base sa COVID-19 case bulletin number 94 nga ginpaguwa sang DOH-6, may 26 ka bag-o nga kaso sang COVID-19 sa rehiyon kabangdanan naglab-ot na tanan sa 274 ang kabug-usan nga kaso sang balatian sa Western Visayas.
Suno kay Dr. Sophia Pulmones, spokesperson sang DOH-6, sa nasambit nga numero, walo diri ang taga-probinsya sang Iloilo; anum sa siyudad sang Iloilo. Napulo sa Bacolod city, isa sa Negros Occidental kag isa sa Guimaras.
Sa 274 nga kabug-usan nga COVID-19 sa rehiyon, 138 diri ang active cases, 125 ang nakarecover kag 11 ang napatay.

Facebook Comments