Negatibo sa paggamit sang iligal nga droga ang anum ka libo nga mga police personnel sang Police Regional Office (PRO-12) sa serye sang surprise drug testing nga ginpatigayon umpisa sang Disyembre 2020.
Suno kay PRO-12 Dir. Brig. Gen. Michael John Dubria, ini ang base sa consolidated report nga ginsubmitir sang regional crime laboratory base sa mandatory drug tests nga iya ginmando.
Samtang magapadayon ang testing sa masobra isa ka libo nga nabilin nga mga police personnel halin sa mga nagkalain-lain nga yunit sa rehiyon.
Dugang pa ni Dubria nga anum ka libo halin sa pito ka libo nga personnel ang nagnegatibo kag ginalauman suno pa nga negatibo sa gihapon ang resulta tubtob sa makumpleto ang proseso.
Sakop naman sang drug test nga kabahin suno pa sang internal cleansing program sang Philippine National Police (PNP) ang commissioned kag non-commissioned police officers, mangin non-uniformed personnel sa idalom sang PRO-12 kag support units sini.
Prayoridad naman sang region-wide testing suno kay Brig. Gen. Dubria ang top officials kag mga miyembro sang drug enforcement units halin sa regional tubtob precinct levels.
