Anum ka mga barangay sa banwa sang Pontevedra, gindeklarar na nga drug-cleared

Pontevedra, Capiz- Anum ka mga barangay sa banwa sang Pontevedra ang gindeklarar na nga drug cleared sang Regional Oversight Committee. Ini ang ginalakipan sang Barangay Agbanog, Ameligan, San Pedro, Guba, Intongcan kag Jolongajog.
Ang nasambitan nga deklarasyon ang natigayon matapos nga ma-comply sang nasambitan nga mga barangay ang guidelines nga gin-set sang Philippine Drug Enforcement Agency (PDEA).
Samtang, pito pa ka mga barangay ang nakapasa naman sang iban pa nga mga requirements para sa masunod nga Regional Oversight Committee deliberation.
Ang Regional Oversight Committee ang ginabug-osan sang PDEA, Department of Health, Philippine National Police and Department of the Interior and Local Government.
photo(c)- PDEA