Anum pa ka mga miyembro sang Communist Terrorist Group ang nagsurender sa militar sa Barangay Tibpuan, Lebak, Sultan Kudarat.
Suno kay Lt. Gen. Corleto Vinluan, Jr., Commander sang Western Mindanao Command nga ang anum ka mga miyembro sang New People’s Army ukon NPA, ang lunsay residente sang Barangay Ned, Lake Sebu, South Cotabato kag miyembro sang Platoon West (Samsung), Guerilla Front Musa, Far South Mindanao Region (FSMR), nga nagsurender sa 37th Infantry Battalion.
Ginkilala ni Lt. Col. Vinluan ang anum kanday Tener Mantang Maquil, a.k.a. Buyo-Buyo, supply officer; Anamie Maquil Bal-ot, a.k.a. Lyn-Lyn, medic; Allan Mistibo Samblang, a.k.a. Caesar; Tyron Asom Saligan; Timbangan Ganang Maquil, a.k.a. Kilohan; kag Mike Ganang Maquil, a.k.a. Arnold.”
Bitbit sang mga miyembro sang NPA sa pagsurender ang 7.62mm M14 rifle, 2 ka 9mm sub-machine guns, kag 2 ka Cal. 357 revolvers.”
Rason naman suno pa sang mga ini sa pagsurender nga nakapoy na sila sa pagpakig-away sa pwersa sang gobyerno kag luyag na suno pa nila sang katawhayan sa ila lugar.
Ginpahayag naman ni 603rd Infantry Brigade Commander Col. Eduardo Gubat nga ang anum ang padayon nga ginapaidalom sa custodial debriefing kag ginasiguro sini ang nagakaigo nga ayuda sa anum ka mga former rebels.
Sang nagligad nga tuig suno pa yara sa kabug-usan nga 75 ka mga miyembro sang Guerilla Front Musa ang nagsurender sa militar sa central Mindanao.
