Nagpositibo sa illegal drugs ang anum sa pito ka mga inmates sang South Cotabato Rehabilitation and Detention Center nga ginpaidalom sa random drug test sang Marso 16.
Suno kay OIC Warden Felicito Gumpac base sa ila impormasyon nga nabaton ginatudlo ang pito nga padayon nga nagagamit sang ginadumilian nga droga amo nga ginpaidalom ang mga ini sa drug test.
May-angot sini, tungod sa resulta nagmatuod suno pa ang ila nga suspetso may nagasulod sa gihapon nga illegal drugs sa Rehabilitation and Detention Center.
Sa subong suno kay Gumapac ginbutang niya sa isolation cell ang anum ka mga preso nga nagpositibo sa ginadumilian nga droga.
Samtang mas ginpahugtan pa nila ang ginapatuman nga seguridad sa diin kon aga gina-inspeksyon sang mga jailguard ang perimeter fence tungod sa posibilidad nga may ginhaboy nga droga sa sulod, matapos nga sang Disyembre 2020 may narekober sila nga ginhaboy nga shabu sa sulod sang rehabilitation and detention center.
Naghingyo man siya suno kay Gumapac sang dugang nga CCTV camera nga kon pwede mahatag ang 20 tubtob 30 kag ginsapol ang mga opisyales sang mga preso angot sa nasambit nga problema.
Sa subong, suno kay Gumapac padayon ang ila nga imbestigasyon kon sin-o ang responsable sa nagapasulod sang illegal drugs sa jail.
